İranın nüvə proqramı üzrə danışıqları koordinasiya edən Aİ-nin xarici siyasət rəhbərinin müavini Enrike Mora Tehranda 2015-ci il nüvə sazişində yaxından iştirak edən keçmiş xarici işlər nazirinin müavini Abbas Əraqçi ilə görüşüb.
“Mən İran üçün yeni fəsildə Əraqçi ilə əlaqəni bərpa etdiyimə görə şadam (İslam respublikasının yeni prezidenti -) onunla yenidən işləmək fürsətini səbirsizliklə gözləyirəm”, – Mora X sosial şəbəkəsindəki səhifəsində yazıb. Əraqçı ölkənin xarici işlər naziri postuna əsas namizəd hesab olunur.
Avropalı rəsmi Tehrana iyulun 30-da prezident Məsud Pezeşkianın andiçmə mərasimində iştirak etmək üçün gəlib. İnauqurasiyadan ertəsi günün gecəsi Fələstinin radikal HƏMAS hərəkatının Siyasi Bürosunun rəhbəri İsmayıl Haniyə İslam Respublikasının paytaxtında qətlə yetirilib.
“The Financial Times” yazıb ki, Mora HƏMAS siyasi bürosunun rəhbərinin öldürülməsindən sonra Yaxın Şərqdə böyük münaqişədən qaçmaq üçün Tehranda “həyati vacib” danışıqlar aparır. (Tass)