Avropanın NATO-ya üzv ölkələri cəmiyyətdəki siyasi və iqtisadi problemlər səbəbindən ABŞ prezidenti Donald Trampın tələbi ilə müdafiə büdcəsini artıra bilmir. Bu fikri Cənubi Danimarka Universitetinin Hərbi Münaqişələrin Tədqiqi Mərkəzinin professoru Olivye Şmitt deyib.
“Avropadakı ictimai-siyasi konteksti nəzərə alsaq, qətiyyən yox” deyə o, Fransanın “Le Point” jurnalına müsahibəsində Aİ ölkələrinin müdafiə büdcəsini ÜDM-nin 2%-dən 5%-ə qədər artıra biləcəkləri sualına cavab verib. Şmittin fikrincə, Trampın müvafiq tələbi Vaşinqton tərəfindən NATO ölkələrinə “daha güclü təzyiq üsullarından istifadə etmək üçün əsas ola bilər”.
Ekspertin qeyd etdiyi kimi, Avropa bir sıra ciddi problemlərlə, o cümlədən enerji resurslarının yüksək qiyməti, vahid bazara inteqrasiyada çətinliklər və əhalinin qocalması ilə üzləşir. Böyük Aİ ölkələrindəki siyasi vəziyyət “həmçinin əhəmiyyətli struktur dəyişiklikləri üçün əlverişli deyil” deyib Şmitt.