Aİ və NATO eyni vaxtda Rusiyanın Almaniya və Çexiyaya qarşı kiberməkanda “zərərli fəaliyyətləri” ilə bağlı bəyanatlar verib və bu iddialara heç bir sübut təqdim etməyib. Aİ adından bəyanatı xarici siyasət xidmətinin rəhbəri Cozep Borrel, NATO adından Şimali Atlantika Şurası yayıb.
Sənədlərin mətnlərində deyilir ki, Avropa İttifaqı və NATO “Almaniya və Çexiyaya qarşı zərərli kiberhücum kampaniyasını qətiyyətlə pisləyir”. Açıqlamada vurğulanır ki, bu kiberhücumlar APT28 (Advanced Persistent Threat Actor 28) adlı müəyyən struktur tərəfindən həyata keçirilib, hansı ki, “Rusiya tərəfindən idarə olunur” və bununla bağlı heç bir sübut təqdim edilmir.
“Almaniya bu gün açıq şəkildə Almaniya Sosial Demokrat Partiyasının rəhbərliyinin elektron poçt hesablarının təhlükəsizliyinin kiberhücum nəticəsində pozulduğunu açıqladı. Eyni zamanda, Çexiya dövlət qurumlarının bunun hədəfində olduğunu açıqladı”, – Aİ və NATO-nun bəyanatlarında deyilir. Onlar vurğulayırlar ki, Avro-Atlantik strukturlar “bu kiberhücumların qarşısını almaq, məhdudlaşdırmaq və onlara cavab vermək üçün bütün cavab tədbirlərindən” istifadə edir. (Tass)
