“Air India” aviaşirkəti təhlükəsizlik baxımından Təl-Əvivə uçuşların dayandırılmasını qeyri-müəyyən müddətə uzadıb. Müvafiq mesaj daşıyıcının rəsmi saytında yerləşdirilib.
Avqustun 2-də Air India, avqustun 8-dək Tel-Əvivə və oradan uçuşlar həyata keçirməyəcəyini açıqlayıb.
“Yaxın Şərqin bəzi bölgələrində mövcud vəziyyətlə əlaqədar olaraq, biz Təl-Əvivə və oradan planlı uçuşları təxirə saldıq”, – deyə yeni bəyanatda bildirilir.
Aviaşirkət sərnişinlərə uçuşun vaxtını dəyişdirmək və ya biletləri pulsuz olaraq ləğv etmək imkanı verib. “Müştərilərimizin və ekipajımızın təhlükəsizliyi bizim əsas prioritetimiz olaraq qalır” deyib Air India. (Tass)