Tokio hava limanında hərbi nəqliyyat təyyarəsi ilə toqquşan JAL təyyarəsini istehsal edən Fransanın Airbus aerokosmik şirkəti fövqəladə vəziyyətin səbəblərini araşdırmaq üçün Yaponiyaya mütəxəssislər göndərəcək. Bu barədə konsernin rəsmi saytında dərc olunmuş bəyanatında deyilir.
“Airbus təhqiqata cavabdeh olan Fransanın Mülki Aviasiya Təhlükəsizliyinin Təhqiqat və Təhlil Bürosuna (BEA) və Yaponiya Nəqliyyat Təhlükəsizliyi Şurasına (JTSB) texniki yardım göstərəcək. Bu məqsədlə hazırda Airbus səlahiyyətlilərə kömək etmək üçün bur qurup mütəxəssislər göndərir”, – mətndə deyilir.
Şirkət həmçinin qeyd edib ki, qəzaya uğrayan təyyarə 2021-ci il noyabrın 10-da JAL-a təhvil verilib. O, Rolls-Royce Trent XWB mühərrikləri ilə təchiz edilmişdir. (Tass)