Avropa Komissiyası (AK) gələn həftə Avropa sənayesini hərbiləşdirmək üçün yeni tədbirlər paketini təqdim edəcək. Bunu Romada xarici işlər nazirlərinin “Veymar Plus” formatında görüşünün yekunlarına dair mətbuat konfransında çıxış edən Aİ diplomatik xidmətinin rəhbəri Kaja Kallas deyib.
“Gələn həftə Avropa Komissiyası hərbi sifarişlərin təşkilində çevikliyi artırmaq və [müdafiə sənayesi müəssisələri üçün] maliyyələşdirməyə çıxışı asanlaşdırmaq üçün yeni tədbirlər təklif edəcək” deyib.
Kallas vurğulayıb ki, Avropa Komissiyası Avropa hərbi sənaye kompleksinə investisiya üçün Aİ səviyyəsində 150 milyard avro da daxil olmaqla 800 milyard avroya qədər borc vəsaitinin cəlb edilməsini nəzərdə tutan Aİ-nin hərbiləşdirmə strategiyasını uyğunlaşdırmağa və təkmilləşdirməyə davam edəcək. (Tass)