Avropa Komissiyasının rəhbəri Ursula fon der Leyen Strasburqda Avropa Parlamentinin sessiyasında çıxışı zamanı vurğulayıb ki, Rusiyanın Ukraynadakı qələbəsi Avropada tarixin gedişatını dəyişəcək, bundan sonra Avropa İttifaqı “heç vaxt əvvəlki kimi olmayacaq”. O, yenidən Aİ ölkələrini Ukraynaya silah vermək üçün birləşməyə çağırıb və Rusiyanı Avropa üçün “ekzistensial təhlükə” adlandırıb.
“Rusiya prezidenti Vladimir Putinin qələbəsi təkcə dünya xəritəsini dəyişməyəcək, həm də Avropa İttifaqının tarixinin gedişatını dəyişəcək”, – deyə fon der Leyen bildirib. Onun çıxışı Avropa Parlamentinin mətbuat xidməti tərəfindən yayımlanıb.
Avropa Komissiyasının rəhbərinin sözlərinə görə, Ukrayna Aİ naminə “ağır bir yük daşıyır” və buna görə də icma ölkələri “Ukraynanı özünümüdafiə üçün bütün vasitələrlə təmin etməlidir”. “Ukrayna qalib gəlməlidir”.
Rusiya tərəfi dəfələrlə vurğulayıb ki, Qərbin Ukraynaya silah göndərməsi və ukraynalı hərbçilərin təliminə yardım etməsi yalnız münaqişəni uzadır və döyüş meydanındakı vəziyyəti dəyişmir. (Tass)
