Almaniyanın Kiel şəhərində yerləşən Dünya İqtisadiyyatı İnstitutunun (IfW) ekspertləri hesab edirlər ki, 2025-ci ildə Kiyevə yardımın həcmi təxminən yarıya qədər azala bilər. Bu barədə qurumun saytında dərc olunan hesabatda deyilir.
Orada ekspertlər diqqəti ona yönəldirlər ki, Donald Tramp ABŞ prezident seçkilərində qalib gəlsə, Ukraynaya yeni yardım paketlərinin ayrılmasına mane ola bilər. “Bundan əlavə, Almaniya bu yaxınlarda gələn ilin büdcəsində Ukraynaya ayırdığı vəsaiti iki dəfə azaldacağını açıqladı və digər ölkələr də bundan sonra Avropanın dəstəyini NATO ayırmaları və ya dondurulmuş Rusiya aktivlərindən əldə edilən kreditlər ilə əvəzləyəcək”, – hesabatda deyilir.
IfW-nin fikrincə, indiyədək Kiyevə göstərilən dəstəyi nəzərə alsaq, gələn il bu məbləğ 100 milyard avrodan bir qədər çox olmalıdır ki, bunun da təxminən 59 milyard avrosu hərbi məqsədlər üçün nəzərdə tutulub. “ABŞ-ın yeni paketləri olmasa, hərbi yardımın həcmi təqribən 34 milyard avroya, maliyyə yardımı isə 46 milyard avroya qədər azalacaq, əgər Almaniyadan nümunə götürərək, digər Avropa ölkələri yardımlarını yarıya endirsələr, o zaman hərbi yardım olacaq yalnız 29 milyard avroya, maliyyə yardımı isə demək olar ki, 27 milyard avroya çatacaq, bu halda Ukraynaya yardımın həcmi iki dəfə azalacaq, təxminən 55 milyard avro olacaq”, – institutun ekspertləri vurğulayırlar. Hesabatda qeyd edilir ki, Ukrayna Qərb müttəfiqlərinin dəstəyi baxımından qeyri-müəyyənliklə üzləşir. (Tass)