Bundestaq daha əvvəl Almaniya Sosial Demokrat Partiyası, Yaşıllar və Azad Demokratlar Partiyasının koalisiyası tərəfindən təklif edilən vətəndaşlığın alınmasının sadələşdirilməsinə dair qanun layihəsini təsdiqləyib. Bu barədə DPA agentliyi məlumat yayıb.
Üç hakim partiya qanun layihəsini yayda təsdiqləyib. Bu o deməkdir ki, artıq bir neçə il ölkədə yaşayan, orada işləyən və vergi ödəyən bütün insanlar sadələşdirilmiş qaydada Almaniya vətəndaşı ola bilərlər. İndiyə qədər olduğu kimi səkkiz il əvəzinə, Almaniyada beş il yaşadıqdan sonra vətəndaşlıq əldə etmək mümkün olacaq və “xüsusi inteqrasiya nailiyyətləri” halında bu, hətta üç ildən sonra da mümkün olacaq. Bundan əlavə, vətəndaşlıq üçün müraciət edənlər gəldikləri ölkənin pasportundan imtina etməli olmayacaqlar. Mövcud qaydalar birinci vətəndaşlıqdan imtinanı nəzərdə tutur. Keçmişdə irqçilik və antisemitizm motivli cinayətlər törətmiş hər kəs Almaniya pasportu ala bilməyəcək.
Layihənin lehinə 382 deputat, əleyhinə isə 234 deputat səs verib. 23 nəfər bitərəf qalıb. (Tass)