Almaniya Xarici İşlər Nazirliyi bildirib ki, Gürcüstan prezidenti Salome Zurabişvili cümə axşamı Almaniya nümayəndəsinin də iştirak etdiyi xarici diplomatlarla görüş keçirib.
Almaniya Xarici İşlər Nazirliyinin sözçüsü Kristian Vaqner Berlində keçirdiyi brifinqdə deyib: “Təsdiq edə bilərəm ki, görüş prezidentin dəvəti ilə baş tutub.
Gürcüstanın baş naziri İrakli Kobaxidze cümə axşamı bildirib ki, hakim “Gürcü Arzusu – Demokratik Gürcüstan” partiyası 2028-ci ilin sonuna qədər Aİ-yə üzvlük danışıqları məsələsini gündəliyə salmamaq və icmanın bütün büdcə qrantlarından imtina etmək qərarına gəlib. Hökumət başçısının sözlərinə görə, buna səbəb üzvlük dialoqunun başlanması ilə bağlı Aİ-nin daimi şantajı, parlamentin qəbul etdiyi bir sıra qanunların ləğv edilməsi tələbləri və Gürcüstan hakimiyyətinə qarşı sanksiyaların tətbiqinə çağırışlar olub. Kobaxidzenin bəyanatı bir gün əvvəl parlament binası yaxınlığında kütləvi etiraz aksiyası keçirən bəzi vətəndaşların narazılığına səbəb olub. Aksiya nümayişçiləri dağıtmaq üçün su şırnaqları və gözyaşardıcı qazdan istifadə edən təhlükəsizlik qüvvələri ilə qarşıdurmaya çevrilib.
Etirazçılara Gürcüstan prezidenti Zurabişvili də qoşulub. O, hakimiyyəti təkrar parlament seçkiləri keçirməyə çağırıb. (Tass)