Almaniyada nəqliyyat işçilərinin silsilə tətilləri yenidən başlayıb. Yerli vaxtla saat 18:00-dan (Moskva vaxtı ilə 20:00) yük qatarının maşinistləri fəaliyyətini dayandırıb, çərşənbə axşamı gecə onlara sərnişin qatarının maşinistləri də qoşulacaq.
GDL həmkarlar ittifaqı əmək haqqının ayda 555 avro artırılmasını və bəzi işçilər üçün iş həftəsinin 38 saatdan 35 saata endirilməsini tələb edərək tətilə çağırıb. Danışıqlar 2023-cü ilin noyabr ayının əvvəlindən davam edir.
Martın 12-dən Almaniyada nəqliyyat vəziyyəti ən böyük hava yolu şirkəti Lufthansa və onun törəmə şirkəti Lufthansa CityLine-ın stüardessalarının tətili ilə daha da ağırlaşacaq. Martın 12 və 13-də Almaniyanın ən böyük hava limanlarında – Münhen və Frankfurt-Mayndə ümumilikdə 1000 reys ləğv ediləcək.
(Tass)