ABŞ Mərkəzi Komandanlığının (CENTCOM) rəhbəri general Maykl Kurilla İsrailə səfər edib və yəhudi dövlətinin müdafiə naziri Yoav Qalant və İsrail Müdafiə Qüvvələrinin Baş Qərargah rəisi ilə Qəzza zolağındakı vəziyyəti müzakirə edib.Bu barədə bazar günü CENTCOM-un yaydığı məlumatda deyilir.
“General Kurilla fevralın 28-dən martın 2-dək İsrailə səfər edib və müdafiə naziri Yoav Qalant, İsrail Müdafiə Qüvvələrinin Baş Qərargah rəisi Herzi Halevi və İsrail ordusunun digər nümayəndələri ilə görüşüb. Onlar təhlükəsizlik məsələlərinin geniş spektrini müzakirə ediblər. Həmçinin Qəzzada humanitar vəziyyətin yaxşılaşdırılması yollarına diqqət yetirilib”, – komandanlıq bildirib.
Qeyd olunur ki, İsrailə səfər etməzdən əvvəl Kurilla Misir, İordaniya və Suriyaya səfər edib. (Tass)