2021-ci ildən etibarən müharibə iştirakçıları və şəhid ailələrinə 6800-dək mənzil, 600-ə yaxın avtomobil verilib.AZƏRTAC xəbər verir ki, bu sözləri jurnalistlərə müsahibəsində əmək və əhalinin sosial müdafiəsi nazirinin müavini Anar Kərimov deyib.O qeyd edib ki, mənzil proqramı 5 dəfədən çox genişləndirilib: “Müharibə iştirakçıları və şəhid ailələrinə mənzil və avtomobillərin verilməsinin məhz yeni il ərəfəsinə təsadüf etməsi sevindirici haldır. Bu proqramların növbəti illərdə daha da artırılacağını düşünürəm”.Nazir müavini bu kateqoriyadan olan şəxslərə göstərilən sosial dəstəkdən danışıb: “Eyni zamanda, qeyd etmək istəyirəm ki, postmüharibə dövründə 360 min sosial xidmət göstərilib. Reabilitasiya xidmətlərinin sayı 60 mindən çoxdur.2025-ci ildə sosial dəstək tədbirləri nəticəsində sosial təminat proqramları yüksək səviyyədə davam etdiriləcək”.
