2023-cü ilin oktyabrından İsrailin Qəzza zolağında həyata keçirdiyi əməliyyatlar nəticəsində 37,6 minə yaxın fələstinli ölüb, 86 mindən çoxu isə yaralanıb. Bu məlumatları Fələstin anklavının Səhiyyə Nazirliyi təqdim edir.
“2023-cü ilin oktyabr ayından Qəzzada İsrailin təcavüzü qurbanlarının sayı artaraq 37 598 nəfərə çatıb, daha 86 032 nəfər yaralanıb”, – deyə idarənin rəsmi Telegram kanalında dərc olunan xülasədə bildirilir. Qəzza Səhiyyə Nazirliyi qeyd edib ki, son 24 saat ərzində İsrail hərbçilərinin hərəkətləri nəticəsində 47 fələstinli ölüb, daha 121 nəfər yaralanıb. (Tass)
