Naxçıvan Muxtar Respublikasında milli mətbuatın yaranmasının 150-ci ildönümü münasibətilə təltif edilən media nümayəndələri arasında APA Media Qrupun iki əməkdaşı da var.
APA xəbər verir ki, Naxçıvan MR Ali Məclisi sədrinin birinci müavini Bəxtiyar Məmmədov bununla bağlı sərəncam imzalayıb.
Sərəncama əsasən APA Media Qrupun Naxçıvan bürosunun əməkdaşları – Ceyhun Məmmədov “Naxçıvan Muxtar Respublikasına xidmətlərə görə” nişanı, Əli Xudiyev isə “Rəşadətli əməyə görə” nişanı ilə təltif olunublar.
Qeyd edək ki, Prezident İlham Əliyevin ötən gün imzaladığı Sərəncamla təltif olunan media nümayəndələri arasında APA Media Qrupun 9 əməkdaşı da yer alıb.