Argentina hökuməti İranın Buenos-Ayresdəki müvəqqəti işlər vəkilini arzuolunmaz şəxs elan edib və ona 48 saat ərzində ölkəni tərk etməyi tapşırıb. Bu barədə Cənubi Amerika respublikasının Xarici İşlər Nazirliyinin bəyanatında bildirilib.
“Xarici İşlər Nazirliyi bildirir ki, Argentina İran İslam Respublikasının müvəqqəti işlər vəkili Möhsün Soltani Tehranini 1961-ci il Diplomatik Münasibətlər haqqında Vyana Konvensiyasının 9-cu maddəsinə uyğun olaraq arzuolunmaz şəxs elan edib. O, ölkəni 48 saat ərzində tərk etməlidir”, – deyə mətndə bildirilir.