Argentinanın xarici işlər naziri Diana Mondino yerli “Clarin” qəzetinə verdiyi müsahibədə respublikanın cənubundakı radar bazasında çinli hərbçilərin olması ehtimalı ilə bağlı suala cavab olaraq “çinlilərin hamısı eynidir” deyib.
Departament rəhbəri bildirib ki, Pataqoniyadakı Çin radar bazasında heç bir hərbi qulluqçu tapılmayıb. “İstintaqda iştirak edənlər orada hərbçilərin olduğunu müəyyən etməyiblər. Onlar çinlidir, hamısı eynidir”, – Mondino deyib.
Mondino aprelin 28-30-da Çinə səfər edib . Çinin xarici işlər naziri Vanq Yi argentinalı həmkarı ilə Pekində keçirdiyi görüşdən sonra keçirdiyi mətbuat konfransında Buenos-Ayres və Pekinin digər ölkələrdən müstəqil şəkildə ikitərəfli əlaqələr qurması lazım olduğunu bildirib. (Tass)