Bazar ertəsi Qazaxıstanın paytaxtında Suriya üzrə Astana formatında 22-ci beynəlxalq görüş başlayır. Tərəflər Suriya ətrafında regional vəziyyətin inkişafı, eləcə də ölkədə hərtərəfli nizamlanma səylərini müzakirə etmək niyyətindədirlər.
Qazaxıstan Xarici İşlər Nazirliyindən verilən məlumata görə, noyabrın 11-12-də Suriya üzrə növbəti görüş keçiriləcək, birinci gün nümayəndə heyətlərinin ikitərəfli və üçtərəfli məsləhətləşmələri olacaq, növbəti gün isə davam etdiriləcək. Noyabrın 12-də plenar iclas və yekun mətbuat konfransı keçiriləcək.
Qazaxıstan diplomatik xidməti qeyd edib ki, gündəliyə həmçinin “Suriyadakı vəziyyət, etimadın möhkəmləndirilməsi tədbirləri, o cümlədən girovların azad edilməsi və itkin düşənlərin axtarışı” daxildir. (Tass)