NATO-nun “Qəzəbli canavar” hərbi təlimi avqustun 19-dan 23-dək Estoniyada keçiriləcək. Bu barədə ERR milli dövlət televiziya və radio portalı Estoniya Müdafiə Qüvvələrinin Baş Qərargahının mətbuat xidmətinə istinadən məlumat yayıb.
NATO ölkələrinin hərbi aviasiya və aviasiya nəzarətçiləri arasında qarşılıqlı fəaliyyətin öyrədilməsi məqsədi daşıyan təlimdə İtaliya Hərbi Hava Qüvvələrinə məxsus Eurofighter Typhoon qırıcıları iştirak edəcək. Manevrlər zamanı hərbi təyyarələr Tapa, Rakvere şəhərləri və Estoniya Müdafiə Qüvvələrinin mərkəzi poliqonu üzərində bir sıra uçuşlar həyata keçirəcək. Bəzi uçuşlar aşağı hündürlükdə, lakin 152 m-dən aşağı olmayan yerlərdə həyata keçiriləcək.
Baltikyanı ölkələrdə ildə iki dəfə “Qəzəbli canavar” təlimləri keçirilir. Onlar əməkdaşlığın dərinləşdirilməsinə və NATO qüvvələrinin Estoniya, Latviya və Litvadakı müxtəlif hərbi elementlərinin qarşılıqlı inteqrasiyasına yönəlib. (Tass)