Avropa Komissiyası 2025-ci ildə həm Kiyevə tədarük üçün, həm də öz ehtiyatlarını artırmaq üçün Aİ-də mərmi istehsalını 2 milyona çatdırmaq niyyətindədir. Bu sözləri Brüsseldə Avropa Müdafiə Agentliyinin illik konfransında çıxış edən Avropa komissarı Andrius Kubilius deyib.
NATO-nun baş katibi Mark Ruttenin Aİ iqtisadiyyatını “turbo-müharibə”yə çevirmək çağırışından sitat gətirən Kubilius “Ukrayna üçün çox ehtiyac duyulan artilleriya mərmilərinin istehsalını 2023-cü ildəki 300 mindən 2025-ci ildə 2 milyona çatdırdıq” deyib.
Avropa İttifaqının müdafiə üzrə komissarı postu 2024-cü ilin dekabrında Ursula fon der Leyenin ikinci Avropa Komissiyasında Aİ tarixində ilk dəfə yaradılıb. (Tass)