Rusiya Xarici İşlər Nazirliyinin sözçüsü Mariya Zaxarova brifinqdə bildirib ki, Avropa İttifaqı təkcə Balkanlarda deyil, həm də Ermənistanla bağlı vəziyyətdə vasitəçi kimi özünü tamamilə nüfuzdan salıb.
“Onlar böyük vədlər verdilər, vəziyyətin partlamasına səbəb olan təxribatlardan başqa heç nə etməyiblər. Bu, situasiyanın bütün tarixi xüsusiyyətləri nəzərə alınmaqla hüquqi və siyasi yolla həll oluna bilərdi və həll olunmalı idi”, – Zaxarova bildirib.
Rusiya Xarici İşlər Nazirliyinin rəsmi nümayəndəsinin fikrincə, 19-20 sentyabr Dağlıq Qarabağda baş verən hadisələr avropalı müşahidəçilərin “ən alçaq” mövqe tutduqlarını göstərdi. O hesab edir ki, əvvəlcə onlar Ermənistanı nəsihət etmək, vədlər verməklə məşğul olub, sadəcə olaraq, İrəvanı başqa tələyə salıblar, sonra isə səssiz müşahidəçiyə çevriliblər.
