Avropa Komissiyası (AK) kiçik və orta ölçülü müdafiə müəssisələrini və startaplarını dəstəkləmək üçün 115 milyon avroluq AGILE adlı proqrama başlayıb. Müdafiə üzrə Avropa komissarı Andrius Kubilius proqramı Brüsseldə keçirilən mətbuat konfransında açıqlayıb.
“AGILE proqramı kiçik və orta ölçülü müəssisələrə və startaplara dronlar, kvant texnologiyaları və süni intellekt alətləri də daxil olmaqla, hərbi və ikili təyinatlı texnologiyaların inkişafında dəstək verəcək”, – deyə o bildirib.
Kubilius bildirib ki, “Avropa Komissiyası kiçik və orta ölçülü müəssisələr üçün qabaqcıl texnologiya layihələri üçün 1 milyon avrodan 5 milyon avroya qədər qrantlar ayıracaq və onların ayrılması ilə bağlı qərarlar dörd aydan çox çəkməyəcək ki, bu da Avropa bürokratiyası üçün inanılmaz dərəcədə sürətlidir”. O əlavə edib ki, bu qrantlar müəyyən, seçilmiş hərbi layihələrin dəyərinin 100%-ə qədərini ödəyə bilər və AK ilk nəticələri 2027-ci ildə görməyə ümid edir. (Tass)