Avropa Komissiyasının (AK) sədri Ursula fon der Leyen noyabrın 18-də Misir və İordaniyaya səfər edəcək. Bu barədə Avropa Komissiyasının sözçüsü Erik Mamer məlumat verib.
“O, əvvəlcə Qahirədə Misir prezidenti Əbdülfəttah əs-Sisi ilə görüşəcək, sonra Aİ-nin humanitar yardımının gəlişini qarşılamaq üçün Sinay bölgəsinə gedəcək”, – Mamerin X sosial şəbəkəsindəki (keçmiş Twitter) səhifəsində yerləşdirilən mesajda deyilir.
AK rəhbərinin Əmmanda İordaniya Kralı II Abdullanı da qəbul etməsi planlaşdırılır.
Noyabrın 15-də Bloomberg mənbələrə istinadən Aİ-nin icra orqanı sədrinin Misirə səfər etmək niyyətini bildirib. Onun sözlərinə görə, səfər zamanı fon der Leyen Qahirəyə Fələstin-İsrail münaqişəsinin gərginləşməsinin ölkə iqtisadiyyatı üçün nəticələrini yumşaltmaq üçün 9 milyard avro məbləğində investisiyalar daxil olmaqla, yardım planı təklif etməyi planlaşdırır. (Tass)