Birləşmiş Ştatlar BMT Təhlükəsizlik Şurasının Qəzza zolağında dərhal atəşkəs tələb edən qətnamə layihəsinə veto qoymaq niyyətindədir. Bu barədə Axios-un müxbiri Barak Ravid mənbələrə istinadən məlumat verib.
“ABŞ İsrailə Qəzzada dərhal atəşkəs tələb edən BMT TŞ-nin bu gün səsə qoyulması gözlənilən qətnamə layihəsinə veto qoyacağı barədə məlumat verib”, – Ravid özünün X səhifəsində yazıb.
Qətnamə layihəsini BMT Təhlükəsizlik Şurasının on qeyri-daimi üzvü hazırlayıb. Onunla bağlı səsvermə saat 16:00-a (Moskva vaxtı ilə 00:00) təyin edilib.
Mətni TASS-ın əldə etdiyi qətnamə dörd bənddən ibarətdir. Sənəddə “Qəzzada bütün tərəflərin müşahidə etdiyi dərhal, qeyd-şərtsiz və daimi atəşkəs” tələbi, həmçinin Fələstin anklavında saxlanılan bütün girovların azad edilməsi tələbi yer alır. Bundan əlavə, qətnamə layihəsinin müəllifləri “Həm BMT, həm də onun humanitar tərəfdaşları tərəfindən Qəzzaya humanitar yardımın çatdırılmasına qoyulan bütün məhdudiyyətlərin dərhal və qeyd-şərtsiz götürülməsini” tələb edirlər. (Tass)