Uşaqların sosial şəbəkədəki təhlükələrdən qorunması üçün təcili tədbirlərə ehtiyac var.
“Report” xəbər verir ki, bunu Ailə, Qadın və Uşaq Problemləri üzrə Dövlət Komitəsinin sədr müavini Aynur Sofiyeva mayın 29-da Bakıda uşaq hüquqlarına həsr edilmiş dəyirmi masada deyib.
Onun sözlərinə görə, cəmiyyətin uşaq hüquqlarının təminatı istiqamətində dəyişməsinə ehtiyac var:
“Bu hüquqların yalnız qanunlarda deyil, ictimai düşüncədə də təminatı önəmlidir. Uşaq hüquqlarının təminatı üçün böyük bir kampaniyaya ehtiyac var. Uşaqların xüsusilə sosial şəbəkələrdən gələ biləcək təhlükələrdən qorunması üçün təcili tədbirlərə ehtiyac var”.