Azərbaycan yanvarın 17-26-da Almaniyanın paytaxtı Berlində keçiriləcək “Beynəlxalq Yaşıl Həftə – 2025” (“Green Week – 2025) qida, kənd təsərrüfatı və bağçılıq sərgi-yarmarkasında iştirak edəcək.“Report” bu barədə İqtisadiyyat Nazirliyinə məxsus “Tikinti-Təchizat Birliyi” MMC-yə istinadən xəbər verir.Məlumata görə, tədbir “Messe Berlin”də (“Berlin ExpoCenter City”) təşkil ediləcək.Avropanın ən iri sərgilərindən hesab olunan “Beynəlxalq Yaşıl Həftə” 1926-cı ildən keçirilir. Bu il sərgidə 55 ölkədən 1 400-dən çox şirkətin iştirak edəcəyi gözlənilir. Azərbaycan sərgiyə 15-ci dəfə qatılacaq.