Azərbaycan Türkiyə, İtaliya, Argentina, Uruqvay və Səudiyyə Ərəbistanı ilə kənd təsərrüfatı sahəsində birgə elmi araşdırmaların aparılmasını müzakirə edib.
“Report” xəbər verir ki, bunu kənd təsərrüfatı naziri Məcnun Məmmədov X sosial şəbəkəsindəki hesabında bildirib.
Nazir qeyd edib ki, Braziliyada keçirilən G20 Kənd Təsərrüfatı Nazirləri Toplantısı çərçivəsində Türkiyə, İtaliya, Argentina, Uruqvay və Səudiyyə Ərəbistanının kənd təsərrüfatı nazirləri ilə ikitərəfli görüşlər keçirilib. Görüşlər zamanı əməkdaşlığın mövcud vəziyyəti, gələcək perspektivlər, ölkələrarası ticarət dövriyyəsinin artırılması və birgə elmi araşdırmaların aparılması müzakirə olunub.