Azərbaycan gələn il fevralın 22-24-də Hindistanın Yeni Dehli şəhərində keçiriləcək Cənubi Asiyada Səyahət və Turizm Mübadiləsi (South Asia Travel and Tourism Exchange – SATTE) beynəlxalq turizm sərgisində iştirak edəcək.
“Report” bu barədə Dövlət Turizm Agentliyinə istinadən xəbər verir.
Məlumata görə, agentlik artıq bununla bağlı hazırlıqlara başlayıb.
SATTE Asiyanın aparıcı səyahət və turizm sərgisi kimi tanınır. Tədbirdə 50-dən çox ölkənin turizm şuralarının iştirakı gözlənilir.