2024-ci il yanvar ayının 1-nə Azərbaycan iqtisadiyyatına kredit qoyuluşları 23 979.1 mln. manat təşkil edib.
“APA-Economics” Azərbaycan Mərkəzi Bankına istinadən xəbər verir ki, bu 2023 ilin dekabr ayının 1-nə olan göstərici ilə müqayisədə 1.53% çoxdur.2023 ilin yanvar ayının 1-i ilə müqayisədə isə iqtisadiyyata kredit qoyuluşları 18.8% və ya 3 mlrd. 795.1 mln. manat artıb. Belə ki, ötən ilin yanvar ayının 1-nə kredit qoyuluşlarının həcmi 20 184 mln. manat təşkil edib.