Azərbaycanın Qazaxıstandakı Səfirliyi Astanada keçirilən diplomatların ənənəvi qış xeyriyyə bazarında iştirak edib.
APA-nın Mərkəzi Asiya bürosu xəbər verir ki, xeyriyyə bazarında Qazaxıstan Respublikasında akkreditə edilmiş 50-yə yaxın xarici ölkənin səfirlikləri, həmçinin beynəlxalq və regional təşkilatlar təmsil olunub.
Tədbirdə iştirak etmək üçün il ərzində böyük hazırlıq işləri görülüb.
Bazarda zəngin Azərbaycan mətbəxinə aid milli nümunələr qonaqlara təqdim olunub.
Bununla yanaşı ölkəmizin istehsal etdiyi müxtəlif milli məhsullarımız, Azərbaycan şirniyyatlarına aid nümunələr, suvenirlər, miniatür xalçalar alıcılara təqdim edilib.
Qeyd edək ki, Azərbaycan məhsulları bu il də xeyriyyə bazarına gələnlər arasında çox böyük rəğbət və maraqla qarşılanıb.