Bu barədə “Report”a səfirliyin mətbuat xidmətindən məlumat verilib.

Görüş zamanı “yaşıl diplomatiya”nın inkişaf perspektivləri müzakirə edilib, qlobal və regional ekoloji gündəliyin aktual problemləri ətrafında fikir mübadiləsi aparılıb.

Tərəflər, həmçinin regionda iqlim dialoqunun dəstəklənməsinə yönəlmiş bir sıra Qazaxıstan təşəbbüslərini müzakirə ediblər və müxtəlif heyvan növlərinin introduksiyası və reintroduksiyası sahəsində əməkdaşlığın qurulması barədə razılığa gəliblər.

Qazaxıstan səfiri Muxtar Babayevi 2024-cü ilin noyabrında Bakıda keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) Azərbaycanın sədrliyi münasibətilə təbrik edib.

M.Babayev isə bu konfransa hazırlıq prosesindən danışıb, COP29-un miqyasına və iştirakçıların sayına görə indiyədək Azərbaycanda keçirilən ən böyük tədbirlərdən biri olacağını bildirib.