Bu ilin yanvar-may aylarında Azərbaycanda əhaliyə göstərilən ödənişli xidmətlərin dəyəri 2023-cü ilin eyni dövrü ilə müqayisədə 6,3 % artaraq 4 milyard 812,7 milyon manat təşkil edib.
“Report” xəbər verir ki, bu barədə Dövlət Statistika Komitəsi məlumat yayıb.
Bildirilir ki, bunun 3 milyard 626 milyon manatlıq hissəsi hüquqi şəxslərə məxsus olub ki, bu da, xidmətlərin ümumi dəyərinin 75,3 %-ni təşkil edib.
Hesabat dövründə ödənişli xidmətlərin dəyərinin 1 milyard 032 milyon manatı dövlət, 3 milyard 780,7 milyon manatı qeyri-dövlət sektorunun payına düşüb.
5 ayda hər bir ölkə sakini orta hesabla 472,3 manatlıq və yaxud 1 il əvvələ nisbətən 36,3 manat çox dəyərdə müxtəlif ödənişli xidmətlərdən istifadə edib.