Bu ilin yanvar-iyul aylarında Azərbaycandakı 3 ulduzlu hotellərdə onlayn bronlaşdırma sistemi olan booking.com üzrə bir gecə qalmaq üçün orta qiymət 121,1 manat təşkil edib.
“Report” Dövlət Turizm Agentliyinin hesabatına istinadən xəbər verir ki, bu, ötən ilin eyni dövrü ilə müqayisədə 5,1 % azdır.
Hesabat dövründə ən yüksək qiymət 170 manat olmaqla Abşeronda qeydə alınıb. Bu, 1 il əvvələ nisbətən 60,9 % çoxdur.
İkinci yerdə 146,3 manat olmaqla Qəbələ qərarlaşıb. Bu, illik müqayisədə 47,3 % çoxdur.
3 ulduzlu hotellər arasında üçüncü yeri isə 127,9 manat olmaqla Bakı tutub. Paytaxtda orta qiymət 3,3 % azalıb.
Şamaxıda 3 ulduzlu hotellərdə bir gecə qalmaq üçün 115 manata (ötən ilin eyni dövründə rayonda 3 ulduzlu hotel olmayıb), Qusarda 112,5 manata (+ 34,2 %), Astarada 104,1 manata (+ 25 %), Lənkəranda 84,9 manata (-13 %), Qaxda 72 manata (-26,1 %), İsmayıllıda 70,3 manata (+40 %), Şəkidə 68,2 manata (-46,7 %), Sumqayıtda 64,8 manata (– 51,5 %), Mingəçevir və Naftalanda 50 manata ( hər iki rayonda ötən ilin eyni dövründə 3 ulduzlu hotel olmayıb), Oğuzda isə 40 manata (ötən ilin eyni dövründə rayonda 3 ulduzlu hotel olmayıb) başa gəlib.