2023-cü ilin yanvar-noyabr aylarında Azərbaycanda ictimai iaşə dövriyyəsi 2022-ci ilin müvafiq dövrü ilə müqayisədə real ifadədə 17,3% artaraq 1 milyard 819,5 milyon manat təşkil edib.
Bu barədə “APA-Economics” Dövlət Statistika Komitəsinə istinadən xəbər verir.Qeyd edək ki, özəl sektorda ictimai iaşə dövriyyəsinin 50,5%-i hüquqi şəxslərin, 49,5%-i isə bu sahədə sahibkarlıq fəaliyyəti ilə məşğul olan fiziki şəxslərin payına düşür. Hüquqi şəxslər üzrə dövriyyə 2022-ci ilin yanvar-noyabr ayları ilə müqayisədə 18,3% artaraq 910,1 milyon manat olub.