Naqif Həmzəyev
“Çin liderinin Azərbaycanın dövlət başçısını bu ilin avqustunda keçiriləcək Şanxay Əməkdaşlıq Təşkilatının tədbirinə, eləcə də faşizm üzərində qələbənin 80 illiyi münasibətilə Çində keçiriləcək yubiley tədbirlərinə dəvət etməsi də iki ölkə arasındakı dostluq və etimadın növbəti göstəricisi kimi qiymətləndirilir. Azərbaycan və Çin arasındakı bu yüksək səviyyəli görüş və əldə olunan razılaşmalar göstərir ki, iki ölkə arasında münasibətlər keyfiyyətcə yeni mərhələyə qədəm qoyub”.Deputat vurğulayıb ki, Çin dünyanın ən böyük iqtisadiyyatına malik ölkələrdən biridir:”Bu baxımdan, Azərbaycan üçün əhəmiyyətli investisiya mənbəyi ola bilər. Orta Dəhlizin inkişafı Azərbaycana tranzit ölkə kimi mövqeyini gücləndirməyə imkan verir, bu da logistika və nəqliyyat infrastrukturunun inkişafına, yeni iş yerlərinin yaradılmasına və iqtisadi diversifikasiyaya töhfə verir”.N.Həmzəyev həmçinin söyləyib ki, Çin texnologiya sahəsində də dünya liderlərindən biridir. Çinlə əməkdaşlıq Azərbaycanın rəqəmsal infrastrukturunun inkişafına, yüksək texnologiyalar sahəsində bilik və təcrübə mübadiləsinə şərait yaradır:”Xüsusilə bərpaolunan enerji sahəsində Çinin təcrübəsindən faydalanmaq Azərbaycanın “yaşıl keçid” hədəflərinə çatmasına kömək edə bilər”.Milli Məclisin üzvü bildirib ki, Çin kimi nüfuzlu dövlətlə beynəlxalq arenada strateji tərəfdaşlıq Azərbaycanın siyasi mövqeyini gücləndirməyə xidmət edir:”Xüsusilə BMT Təhlükəsizlik Şurasının daimi üzvü olan Çinlə əlaqələrin inkişafı Azərbaycanın xarici siyasət maraqlarının reallaşdırılmasında əhəmiyyətli rol oynayır. Eyni zamanda Çin Qlobal Cənub ölkələri arasında mühüm təsir qüvvəsinə malikdir. Azərbaycanın COP29-a ev sahibliyi etdiyi və Qlobal Cənubun maraqlarını təmsil etdiyi bir dövrdə Çinlə münasibətlərin gücləndirilməsi bu mövqeyi daha da möhkəmləndirir”.N.Həmzəyev qeyd edib ki, Azərbaycanın Çinlə strateji münasibətlərinin inkişafı bölgədə balanslaşdırılmış xarici siyasət yürütməsinə və müxtəlif güc mərkəzləri ilə əlaqələri diversifikasiya etməsinə imkan verir:”Bütün bu faktorlar nəzərə alındıqda Azərbaycan-Çin münasibətlərinin hərtərəfli tərəfdaşlıq səviyyəsinə yüksəlməsi Azərbaycanın həm iqtisadi, həm də siyasi maraqlarına uyğun olub, ölkənin beynəlxalq arenada mövqeyini gücləndirməyə və davamlı inkişafına töhfə verir”.