Bəhreyn Xəbər Agentliyinin verdiyi məlumata görə, Bəhreyn Ağır Cinayətlər Məhkəməsi İslam İnqilabı Keşikçiləri Korpusuna (İİKK) casusluq ittihamı ilə doqquz nəfəri ömürlük, iki nəfəri isə üç il müddətinə azadlıqdan məhrum edib.
Agentlik krallığın prokurorluğunun nümayəndəsinin bəyanatına istinadən bildirib ki, “Ali Cinayət Məhkəməsi 11 təqsirləndirilən şəxsin Bəhreyn Krallığına qarşı terror [aktları] və düşmənçilik aktları törətmək məqsədilə İİKK-ya casusluq etməkdə ittiham olunduğu iki ayrı iş üzrə hökm çıxarıb”.
Müstəntiqlərin sözlərinə görə, birinci işdə əsas şübhəli, ədalət mühakiməsindən qaçan şəxs, krallıqdakı mühüm hədəflərə casusluq etmək üçün Bəhreyn sakinini işə götürüb. Müstəntiqlər hesab edirlər ki, şəbəkə İrandakı bir mübadilə məntəqəsinin sahibi vasitəsilə iki ölkədə kriptovalyuta və bank hesablarından istifadə etməklə maliyyələşdirilib. Digər iki şübhəli agent üçün gizlənmə təmin edib. (Tass)