Bu gün yeni çağırışlar böyük qayıdış prosesi çərçivəsində meydana çıxdığından bəzi məsələlər kollektiv müqavilələrdə də öz əksini tapmalıdır.
“Report” xəbər verir ki, bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova “Rəqəmsallaşma və süni intellektin iş yerlərinə təsiri” mövzusunda keçirilən konfransda çıxışı zamanı deyib.
Onun sözlərinə görə, rəqəmsallaşma və süni intellektin iş yerlərinə təsirləri artıb:
“İşçi hüquqlarını yeni çağırışlara uyğunlaşdırmalı, işçiləri rəqəmsal mühitə hazırlamalıyıq. İnsanların “smart kənd”də yaşamağa alışması üçün addımlar atmalıyıq. Bunun üçün yeni layihələr reallaşdırılmalıdır. Orada yaşayan ailələrin, bərpa və minatəmizləmədə iştirak edən insanların hüquqlarının qorunması da kollektiv müqaviləyə daxil edilməlidir”.
Komitə sədri əlavə edib ki, bu gün dünyada dövlətlərin fəaliyyət gündəliklərinin əsas prioritetlərindən biri əməkçi insanların, o cümlədən, ailələrin sosial rifahının möhkəmləndirilmək, qadınların və uşaqların hüquqlarını qorumaq, hər kəs bərabər imkanlar və bərabər fürsətlər yaratmaqdır.