“Report” bu barədə nazirliyə istinadən xəbər verir.

Tədbirdə çıxış edən qurumun Bərpa Olunan Enerji Mənbələri Dövlət Agentliyinin direktoru Cavid Abdullayev karbon emissiyalarının azaldılması və iqlim dəyişikliyinə qarşı mübarizədə qlobal səylərə ölkəmizin verdiyi töhfələrdən danışıb, Prezident İlham ƏIiyevin bərpa olunan enerjidən istifadənin inkişafını prioritetləşdirən dövlət siyasətinə müvafiq olaraq reallaşdırılan meqa layihələrə diqqət çəkib, Qaradağ Günəş Elektrik Stansiyasının istismara verilməsilə 6 ayda günəş enerjisi istehsalının 8 dəfədən çox artdığını bildirib: “95 kVt-ı suda, 5 kVt-ı quruda quraşdırılan layihə vasitəsilə illik 160 000 kVt/saatdan çox elektrik enerjisi istehsalı proqnozlaşdırılır. Layihə, özəl investisiyaların cəlb olunması üçün çağırış rolunu oynayır və genişləndirilməsi ilə bağlı müzakirələrə artıq start verilib”.

Daha sonra çıxış edən ADB-nin Azərbaycandakı Daimi Nümayəndəliyinin rəhbəri xanım Kendis Makdeyqan deyib: “ADB regional layihə çərçivəsində Azərbaycanda su üzərində günəş enerjisindən istifadənin inkişafı üçün texniki dəstək verir. COP29 tədbiri ərəfəsində bu innovativ qurğunun işə salınmasının əhəmiyyəti böyükdür. Pilot layihə kiçik miqyasda həyata keçirilsə də, Azərbaycanda daha bir yaşıl enerji mənbəyinə çevrilir, su və günəş resurslarından birgə istifadəni optimallaşdırır, enerji kompleksini şaxələndirir və emissiyaların qarşısını alır”.

Layihə çərçivəsində stansiyanın istismarı və texniki xidməti sahəsində təlimlərin təşkil edilməsi də nəzərdə tutulur.