Bakıda “Müasir dini təhsil modelləri ənənələr və qlobal çağırışlar kontekstində” mövzusunda beynəlxalq simpozium keçiriləcək.
“Report” xəbər verir ki, tədbir Dini Qurumlarla İş üzrə Dövlət Komitəsinin (DQİDK) tabeliyində fəaliyyət göstərən Azərbaycan İlahiyyat İnstitutu (Aİİ) və Mənəvi Dəyərlərin Təbliği Fondunun (MDTF) birgə təşkilatçılığı ilə baş tutacaq.
Simpoziumun bu il oktyabrın 22-23-də keçirilməsi nəzərdə tutulur.
Bildirilib ki, simpoziumun məqsədi Azərbaycanda və dünyada dini təhsil sahəsində mövcud vəziyyətin müzakirəsi, qarşıya çıxan problemlərin təhlili, onların həlli ilə bağlı təkliflərin irəli sürülməsinin təmin edilməsi, bu istiqamətdə fəaliyyət göstərən alim və mütəxəssislər arasında tədqiqat işləri, məlumat və təcrübə mübadiləsi üçün platforma yaradılmasıdır.
Simpoziumda dini təhsil haqqında müəyyən mövzuların və tezislərin müzakirəsi gözlənilir.