Bakıdakı Rus Evində İkinci Dünya müharibəsi illərində baş vermiş Qafqaz uğrunda döyüşdə qələbənin 80 illiyinə həsr olunmuş Rusiya Federasiyasının Qələbə Muzeyi və Mədəniyyət Nazirliyinin “Yüksəklikdə” sərgisi açılıb.
Bu barədə AZƏRTAC-a Rusiya İnformasiya-Mədəniyyət Mərkəzinin mətbuat xidmətindən bildirilib.
Sərginin ziyarətçiləri döyüşün tarixi və onun qəhrəmanları barədə ətraflı məlumat əldə ediblər.
Tarix elmləri doktoru, Bakı Dövlət Universitetinin professoru Azad Rzayev Qafqaz uğrunda döyüş, eləcə də Azərbaycan xalqının İkinci Dünya müharibəsindəki ümumi qələbəyə verdiyi töhfə barədə mühazirə ilə çıxış edib.
Sərgi oktyabrın 15-dək davam edəcək. Giriş pulsuzdur.
Qeyd edək ki, Qafqaz uğrunda döyüş İkinci Dünya müharibəsinin tarixində ən davamlı döyüşlərdən biri olub.