Faydalı qazıntı yataqlarının istifadəsi üzrə növbəti hərrac keçirilib.
Hərrac vasitəsilə Balakən və Oğuz rayonlarında yerləşən 3 faydalı qazıntı yatağı istifadəyə verilib
Əmlak Məsələləri Dövlət Xidmətindən Teleqraf-a verilən məlumata görə, faydalı qazıntı yataqlarının istifadəyə verilməsi ilə bağlı keçirilən növbəti hərracda Balakən rayonunda yerləşən 1,15 hektar sahəsi olan “Katexçay” qum-çınqıl yatağı və Oğuz rayonunda olan 16 hektar sahədə Muxas-Daşağılçay” qum-çınqıl yatağı və 3,5 hektar sahəsi olan “Nic” gil yatağı istifadəyə verilib.
Qeyd edək ki, Hərracların Təşkili Mərkəzi və Ekologiya və Təbii Sərvətlər Nazirliyi yanında Dövlət Mineral Xammal Ehtiyatlarından İstifadə Agentliyi tərəfindən faydalı qazıntı yataqlarının istifadəyə verilməsi üzrə hərracların təşkili davam etdirilir.