SOCAR-ın Bakı Ali Neft Məktəbinin (BANM) 5 innovativ startap layihəsi “GIST Innovates South Caucasus 2025” proqramına seçilib.
Bu barədə AZƏRTAC-a BANM-dən məlumat verilib.
BANM-dən seçilmiş layihələr bunlardır:
“CleanX” – Tullantı yağların ekoloji cəhətdən təmiz və bioloji əsaslı təmizləyici vasitələrə çevrilməsi üzərində işləyir.
“CLIMASEL” – Enerji səmərəliliyini artırmaq məqsədilə binalar üçün innovativ divar və tavan panelləri inkişaf etdirir.
“CaptureX” – Sənaye tullantılarından karbon dioksidin tutulması üçün ion maye membran texnologiyası hazırlayır.
“BullyGuard” – Məktəblərdə zorakılığın qarşısını almaq məqsədilə real vaxtda aşkarlama sisteminə malik ağıllı qolbaq və mobil tətbiq təqdim edir.
“AgroWise” – Fermerlər üçün süni intellektə əsaslanan avtonom torpaq analiz sistemi ilə məhsuldarlığı və qərarverməni artırmağı hədəfləyir.
Səkkiz həftəlik pre-akselerator mərhələsi Tbilisidə keçiriləcək açılış seminarı ilə başlayacaq.