Birləşmiş Ştatlar Fələstinin radikal HƏMAS hərəkatının yaraqlılarını cəzalandırmaq üçün İsrailə lazım olan hər şeydə kömək edəcəyinə zəmanət verir. Bu barədə ABŞ prezidenti Co Bayden Avstraliyanın baş naziri Entoni Albanese ilə Ağ Evdə danışıqlardan sonra birgə mətbuat konfransında bildirib.
“İsrailin öz xalqının qətlinə cavab vermək hüququ var və əlavə edərdim ki, öhdəliyi var. Biz İsraili bu terrorçulardan müdafiə etmək üçün lazım olan hər şeyi təmin edəcəyik” deyib və əlavə edib ki, Vaşinqton buna zəmanət verəcək. “
Bayden vurğulayıb ki, o, İsrail xalqının HƏMAS hücumlarına görə hiss etdiyi “ ağrı və qəzəbi” “tam anlayır”. Bununla belə, o qeyd edib ki, radikallar “Qəzza zolağında və ya başqa yerlərdə Fələstin əhalisinin böyük əksəriyyətini təmsil etmirlər”.
“Ancaq bu, [İsraili] müharibə qanunlarına uyğun hərəkət etmək məsuliyyətindən azad etmir”, – Amerika lideri vurğulayıb. O əlavə edib ki, yəhudi dövləti bölgədə əməliyyatlar apararkən Qəzzanın mülki əhalisini qorumaq üçün əlindən gələni etməlidir. (Tass)