ABŞ prezidenti Co Baydenin administrasiyası TikTok sosial şəbəkəsinin fəaliyyətinə qadağanın qüvvəyə mindiyi yanvarın 19-da ABŞ sakinlərinin sosial şəbəkəyə girişini tamamilə əngəlləməmək üçün bir yol tapmağa çalışır. Bu barədə NBC telekanalı mənbələrə istinadən məlumat yayıb.
Yanvarın 19-da ABŞ-da TikTok-a qadağa qüvvəyə minəcək, çünki onun sahibi olan Çin şirkəti ByteDance sosial şəbəkəni yeni sahiblərinə satmayıb. Nəzəri olaraq, qadağaya Ali Məhkəmə həmin tarixdən əvvəl etiraz edə bilər.
“Amerikalılar TikTok-un bazar günü qəflətən qadağan olunacağından qorxmamalıdırlar” deyən Bayden administrasiyasının adı açıqlanmayan rəsmisi, rəsmilərin sosial şəbəkəyə tamamilə bağlanmadan qadağanın necə tətbiq olunacağını öyrəndiklərini söyləyib.
Trampın komandası daha əvvəl sosial şəbəkənin ölkədə qadağan olunmasını istəmədiklərini əmin etmişdi. (Tass)