ABŞ prezidenti Co Baydenin administrasiyası Kubanı terrorizmi dəstəkləyən dövlətlər siyahısından çıxarmağı planlaşdırır, Associated Press ABŞ administrasiyasının nümayəndələrinə istinadən xəbər verir.
Onların məlumatına görə, Amerika hakimiyyəti yanvarın 14-də müvafiq açıqlama verə bilər. Eyni zamanda, agentlik qeyd edir ki, Kuba sözügedən siyahıya gələn həftə ABŞ-ın yeni seçilmiş prezidenti Donald Trampın andiçmə mərasimindən sonra qayıda bilər, çünki ABŞ dövlət katibi postuna namizəd Marko Rubionun ada dövlətinə qarşı məhdudlaşdırıcı tədbirlərin tərəfdarıdır. (Tass)