İsrail hökuməti Fələstinin radikal HƏMAS hərəkatının saxladığı girovları azad etmək üçün müsəlmanların müqəddəs Ramazan ayında hərbi əməliyyatlarda iştirak etməmək qərarına gəlib. Bu barədə ABŞ prezidenti Co Bayden NBC telekanalında bildirib.
“İlk növbədə, saxlanılan girovlar azad edilməlidir. İsraillilər Ramazan ayında bütün girovları çıxarmaq üçün heç bir fəaliyyətlə məşğul olmayacaqlar”, – Bayden vurğulayıb. “Düşünürəm ki, müvəqqəti atəşkəsə nail olsaq, [Qəzza zolağında baş verənlərin] dinamikasını dəyişmək istiqamətində hərəkət edə bilərik”, – Amerika lideri əlavə edib.
Bundan əvvəl ABŞ prezidenti Qəzza zolağında atəşkəs razılaşmasının gələn bazar ertəsi, martın 4-nə qədər əldə olunacağına ümid etdiyini bildirib. (Tass)