ABŞ prezidenti Co Baydenin ABŞ-dan şəxsi məlumatların ötürülməsini qadağan edən sərəncamı Rusiya, Venesuela, İran, Çin, Şimali Koreya və Kubaya qarşı yönələcək. Bu barədə Amerika prezident administrasiyasının nümayəndəsinə istinadən The New York Times qəzeti yazıb.
Onun məlumatına görə, Bayden çərşənbə günü məxfi məlumatların altı ölkəyə ötürülməsini qadağan edən fərman imzalayacaq. ABŞ prezidenti Ədliyyə Departamentinə amerikalıların yeri, sağlamlığı və genetikası haqqında məlumatların Rusiya, Venesuela, İran, Çin, Şimali Koreya və Kubaya, eləcə də bu ölkələrlə əlaqəli hər hansı təşkilatlara satışını məhdudlaşdıran qaydaların hazırlanması səlahiyyəti verəcək. Məhdudiyyətlər həmçinin maliyyə məlumatlarına, biometrik məlumatlara və şəxsləri müəyyən edə bilən digər məlumat növlərinə, habelə hökumətlə bağlı həssas məlumatlara təsir edəcək. (Tass)