Bakı Dövlət Universitetinin (BDU) “SABAH” qruplarının məzunu Murad Vəliyev Almaniya dövlət təqaüdünün hüquqşünaslıq ixtisası üzrə qalibi olub.
Bu barədə AZƏRTAC-a BDU-dan məlumat verilib.
Təqaüd əldə etmək üçün 900-ə yaxın müraciət olub, M.Vəliyev yüksək rəqabət nəticəsində bu imkanı qazanıb. O, magistratura təhsilini Almaniyanın Saarland Universitetində Avropa və beynəlxalq hüquq ixtisası üzrə davam etdirir.