Birləşmiş Ərəb Əmirlikləri (BƏƏ) dünyada ilk dəfə olaraq süni intellektdən (AI) yeni qanun layihələri hazırlamaq, habelə mövcud qanunlara yenidən baxıb düzəlişlər etmək üçün istifadə etməyi planlaşdırır. Bu barədə BƏƏ-nin planlarını “milyarlarla dollar sərmayə qoyduqları texnologiyadan istifadə etmək üçün radikal cəhd” adlandıran “Financial Times” (FT) yazıb .
Nəşr ölkənin baş naziri Məhəmməd bin Rəşid Əl Məktumdan sitat gətirib: “Süni intellektlə işləyən yeni qanunvericilik sistemi qanunların qəbulu üsulumuzu dəyişərək prosesi daha sürətli və dəqiq edəcək”.
Hökumət “mütəmadi olaraq qanunvericiliyə yeniliklər təklif edəcək” süni intellektin qanun yaradıcılığını 70% sürətləndirəcəyini gözləyir. Nəşr yazır ki, BƏƏ federal və yerli qanunlar, məhkəmə qərarları və hökumət xidmətlərinin kütləvi məlumat bazası yaratmaqla “qanunların ölkə əhalisinə və iqtisadiyyatına necə təsir etdiyini izləmək” üçün texnologiyadan istifadə etməyi planlaşdırır.
Kopenhagen Biznes Məktəbinin professoru Roni Medaglia planı “çox cəsarətli” adlandıraraq, BƏƏ-nin “süni intellektni bir növ qanunvericiyə çevirmək üçün gizli gündəmi” ola biləcəyini təklif edib. (Tass)