İl ərzində Belarus hərbi qulluqçuları respublika ərazisində 20 mindən çox partlayıcı obyekti zərərsizləşdirib. Bu barədə BelTA agentliyinə Belarus Silahlı Qüvvələrinin mühəndis qoşunlarının qərargah rəisi, polkovnik Pavel Mixaylov məlumat verib.
“Mobil minatəmizləmə qruplarının komandirləri təkcə bu il Belarus ərazisində 20 mindən çox partlayıcı obyekti zərərsizləşdirib”, – o deyib.
Mixaylovun sözlərinə görə, Belarus hərbçiləri İttifaq dövlətindən olan həmkarlarının xüsusi hərbi əməliyyat zamanı əldə etdikləri minaların təmizlənməsi təcrübəsini nəzərə alır. “Biz bir yerdə dayanmırıq, irəliləyirik, pilotsuz təyyarələrlə bağlı məsələlərə, xüsusən də bu üsulla partlayıcı obyektlərin məhv edilməsinə toxunuruq”, – deyə o bildirib. (Tass)